Rahonan’i  CT Ramananirina Yan Wilfried dit Willy hiditra ho mpikambana Tgv daholo ireo olona nomena tokotany  ao amin’ny “opération café” Itendro Fénérive-Est. Raha ny vaovao voaray, nidina teny an-toerana mihitsy ity CT ity izay sady  mpandrindram-paritry ny Tgv any amin’ny Faritra Analanjirofo ,  niteny tamin’ireo vahoaka monina amin’io toerana io hoe “esorinay hiala amin’ity toerana ity ianareo rehetra raha tsy miditra mpikambana anatin’ny antoko Tgv”. Tsy nahafaly ny olona io fihetsika io ary mampitaraina ireo fokonolona nomena anjara tany ao amin’io faritra io.

Tsy vao izao io fihetsika io

Efa nisy fotoana nanaovany fandrahonana fampikatonana sekoly tsy miankina iray. Eo koa ireo fanamparam-pahefana isan-tokony.

Tsy tara amin’ny vaovao mivoaka eto amin’ny tananews ny ao Fénérive-Est

Na dia somary mbola lafo sy ilaharana aza ny saran’ny “connexion Internet” ao Fénérive-Est  izay 50 Ar ka hatramin’ny 100 Ar ny iray minitra. Tsy tara ary liana amin’ny vaovao mivoaka rehetra eto amin’ny tananews ny mponina any an-toerana. Ankoatran’ny fijerena Internet izay azo ambara fa efa manomboka mahazo vahana any amin’ity distrika ity, efa misy koa mpanao “photocopie” mijery ny vaovao eto amin’ny tananews ary manao “photocopie” vaovao tananews  amin’ny vidiny “photocopie” mahazatra any Fénérive-Est 100 Ar ( 500 Fmg).

Ankoatr’ireo , misy mpanao photocopie ihany koa mivarotra ny vaovao mivoaka ao amin’ireo site Internet/blog  GTT.

Photocopie izay lasa sehatra iray lehibe any amin’ity distrika ity ahafahan’ny mponina manaraka  akaiky ny vaovao eto amin’ny Internet.

Nangonin’i NIM( Toamasina)

nim.tama@gmail.com